بسم الله الرحمن الرحيم
هذي مجموعة اشعار جدا جدا رائعة في نظري واتمنى تعجبكم
نبـــدا على بركة اللـــــــه
تدرين لامنك زعلتي وش يصير؟ تدرين لامن صار خاطرك مكسور
تكدس اغصان الشجر بالعصافير! وكل ماذرفتي دمعه يموت عصفور
_________________
مدري علام الرياض اليوم مرتبكه كن القلق ينتشر فيها ويجمعهــــا
ماكنها إلا عروسٍ ليــــلة الشبكه كل ماذبحها الخجل عضت اصابعها
او كنها طفلةً لهروجها حبـــــــكه تضحك 0لابوها00وابوها مايدلعهــا
__________________
صـعـب لامـنـك فشلت وصعب لامنك لقيت
ان من يكره نجاحـك يدري انك ما نـجحت
_________________
يـابــوي جـعـلـك للـبـقـا والمـكـاسـيـب
عمـري بدونـك يالـذ ّرا ويـش أبـي بـه
يابـوي تسـأل عــن شـفـاك المراقـيـب
طـلـعـة سـواتــك لـلـنّـوايـف غـريـبــه
ليه المرض مايعـرف الزّيـن والعيـب ؟
مـايــدري انـــك للمخـالـيـق هـيـبــه !!
أبسألـك وش بـه غـزا وجهـك الشـيـب
والـقـلـب لايـــع والـنـواظـر شـحـيـبـه
وش بك تحاتي لانـوى المـوت تغريـب
تـخـشـى عـلـيـنـا بالـلـيّـالـي الكـئـيـبـه
خـذ دلّتـك واركـى علـى مسنـد الجـيـب
وعطنـي شماغـك بلثمـه وأحتـمـي بــه
ونـروّح لأرض ٍ بهـا العشـب والطـيـب
وتسـمـع كــلام ٍ يـالـغـلا تحـتـفـي بـــه
يـابـوي بنـتـك لاانـحـكـى بالتّـجـاريـب
كــل ٍ يـشــق لهـيـبـه الـصّـيـت جـيـبـه
يابـوي مانـي مـن ســوات المخـاريـب
الـلّــي تـجـيـب لعـلـيَـة الـقــوم خـيـبـه
وماني من اللّـي لامشـت حفّهـا الرّيـب
أنـــا مـــن الـلّــي مـايـدنّــس حـلـيـبـه
مرفـوع شانـي عــن غــرام المكاتـيـب
وأكبـر مــن انّـنـي أرتـضـي بالحبيـبـه
أنـــا غـرامــي لاابـتــدوا بالـتّـراحـيـب
نـفـوس الأوادم فــي وجــودي رحيـبـه
وان كــان زيـنـي فـتـنـة ٍ للمـصـاويـب
أحـــط وجــهــي بـالـحـريـق ولـهـيـبـه
زينـي أبيعـه وأشتـري سمـعـه الطّـيـب
اسـم ٍ ينـومـس بالـصّـروح الــذ ّهيـبـه
وان كان عندي ( بالحلا) شي ٍ اصعيب
عـنــدي جـــدود ٍ مـارضــت بالغلـيـبـه
دمــوع القبـايـل فــي لقـانـا مسـاكـيـب
كــــن الـمـقـابـر لاحـضـرنــا قـريــبــه
خضّبـت لـك كفّـي مـن العـز تخضـيـب
ورفـعــت راســـي للـنّـجـوم الصّعـيـبـه
والله لأســـدّك بـالـفـعـول المـصـالـيـب
والله لأشـيـلــك بـالـرخــا والمـصـيـبـه
طـلـع المـعـالـي ماانـحـكـم للـشّـواريـب
بـنـت ٍ وأنـاطـح فــارس الـقـوم طيـبـه
وياشيـخـي إبـشـر لـوتـدور الدّوالـيـب
بنتـك إلا منّـه عــوى الـذّيـب ( ذيـبـه)
_______________________________
نزعل ونتكبر وحنا من الطين
والكل منا يصد لا اقبل خويه
نفخر نقول انا على الصد قاوين
وهي علينا في الحقيقه قويه
نشفق على الطيبه وكسب الكريمين
وهذي بنا لاشك فعله رديه
ننسى نهايتنا وعلى وين ماشين
وننسى الزمن اللي جمعنا سويه
المشكله ماهي بحاجه لتخمين
ولاهي بعد ياناس صعبه القضيه
دق الرقم:كيفك..هلا فيك..واهلين
انا الخوي اللي مزعل خويه
قله:تغيب..وصورتك داخل العين
ويبقى لحبك في خفوقي بقيه
اخوان حنا لو يجي بيننا شين
ومانفترق دام المحبه نديه
خلك قوي لاتحتكرك الشياطين
قبل الفوات وقبل وقت المنيه
هذي هي الدنيا من الحين للحين
لابد بين الناس تحصل خطيه
ومن لايقدر غلطة احبابه الحين
يقرا حروفي ويتعبرها هديه
باكر تمر سنين وسنين وسنين
والكل يرحل في الدروب المديه
صدقني تندم واذكر حروفنا زين
تندم على خلك اذا غاب ضيه
دنيا غريبه واكثر الناس ماشين
وكم صاحب والله دفنته بيديه
وسلامتــــــــــــــــــــــكم
