السلام عليكم
شلونكم حبيباتي
عساكم بخير اليوم
الزعل وآآآه من الزعل ومن أسبابه وشنو ينتج عن الزعل
من منو نزعل وعلى شنو نزعل
حبيباتي
امس سمعت سالفة عن وحده من رفيجتي
نامت واهي زعلانه حيييل ومتضايقه
وبقت على نومتها
عسى ربي يرحمها ويغفر لها
الزعل يجيب المرض
يجيب الهم والكدر والضيق
انت وانت وانت
الشي اللي نمتي وانتي زعلانه عليه يستااااااااااااااااهل !!
ما تدرين انه الزعل مو زين!!
انت وانت وانت
قلتي كلام جارح او صدر منج موقف سواء بقصد او من دون قصد
أو صارت مشكلة بينج وبين أحد وزعلوا منج
ما تدرين يمكن هذا الزعل رح يأثر عليهم!!
انا قاعده اتكلم بشكل عام عن كل شخص لنا علاقة فيه
سواء
أم
أب
أخ
أخت
صديقة
قريبه
أخواتي العزيزات
ترا الحياة مثل البحر
واحنا في وسط البحر ان ما عرفنا نتصرف رح نغرق
صدقوني يا خواتي
لا تنامون وانتو زعلانين
ارمي حملج على رب العباد
اهو كفيلنا في الحياة نلجأ له بالسراء والضراء
وان نمتي مظلومه ،، رب العالمين رح ينصرج على كل ظالم
والله ماكو شي يستاهل نزعل عليه
ولا تنامون وانتو مزعلين احد منكم مهما كانوا
ترا باجر رح نتحاسب على أفعالنا
ليش ما يكون التسامح من اهم الأخلاق اللي لازم نتصف فيها
قال رسول الله صلى الله عليه وسلم " لا يحل لمسلم ، أن يهجر أخاه فوق ثلاث ليال يعرض هذا ويعرض هذا ، وخيرهما الذي يبدأ بالسلام " .
أخواتي الحبيبات
مابقى شي على شهر رمضان
شهر الرحمة والغفران
أتمنى التسامح والتصالح بين الجميع
لانه صج ما كو شي يستاهل نزعل عليه بهالدنيا
